سەرۆک وەزیران جەخت دەکاتەوە لەسەر ئەگەری هاوکاریکردن لەگەڵ کۆمپانیای تەکنەلۆژیای ئەڵمانی (SAP) لە ڕێگەی بەرنامەیەکی کاری هاوبەشەوە

23:18 2024-04-28 22756 عێراق 0

2024-04-28

22756

سەرۆکی ئەنجومەنی وەزیران محەمەد شەیاع سودانى، ئەمڕۆ یەکشەممە لە شوێنی مانەوەی خۆی لە ڕیازی پایتەختی سعودیە پێشوازی کرد لە سەرۆکی هەرێمی کۆمپانیای تەکنەلۆژیای ئەڵمانیا (SAP) ئیمانوێل ڕابتۆپولۆس و شاندەکەی یاوەری، لە پەراوێزی بەشداریکردنى لە کۆڕبەندی ئابووری جیهانی.

نوسینگەی راگەیاندنی سەرۆک وەزیران بڵاویکردەوەلە دیدارەکەدا تاوتوێی چۆنیەتی هاریکاری لەگەڵ کۆمپانیای (SAP) کرا و ئەزموونەکانی لە سەرانسەری جیهاندا خستەڕوو، چونکە گەورەترینە لە جیهاندا لە بواری پەرەپێدانی نەرمەکاڵای گەورەدا، کە تێڕوانینی ئابووری حکومەت و تەکنەلۆژیای زانیاری کۆدەکاتەوە.

سودانی جەختی کردەوە لەسەر ئەگەری هاوکاریکردن لەگەڵ کۆمپانیاکە لە ڕێگەی بەرنامەیەکی کاری هاوبەشەوە، کە سود وەرگرتن لە خزمەتگوزارییەکانی دیجیتاڵکردنی ئابووریدا لەخۆدەگرێت و یارمەتیدەر دەبێت بۆ بەدەستهێنانی داهێنان و باشترکردنی ئاراستەی وەبەرهێنان، هەروەها ئاماژەی بە خواستی حکومەت کرد بۆ سوود وەرگرتن لە خزمەتگوزارییەکانی و گرتنەخۆی ئەم جۆرە نەرمەکاڵایە لە پرۆگرامی کۆلێژە تایبەتەکان و لە بواری ڕاهێنانی نەرمەکاڵای دامەزراوەییدا.

لەلای خۆیەوە، ڕابتۆپولۆس ئامادەیی کۆمپانیاکەی دەربڕی بۆ هەماهەنگی لەگەڵ حکومەتی عێراق لە بوارەکانی تەکنەلۆژیادا، بۆ ئەوەی یارمەتی بدات لە جێبەجێکردنی تێڕوانین و پلانەکانی بەرەو ئابوورییەک کە لەگەڵ پێشکەوتنە تەکنەلۆژییەکانی جیهاندا هاوشان بێت.