سەرۆك وەزیران لەگەڵ ئەندامانی كۆنگرێسی ئەمریكا تاوتوێی پرسی كۆتایی هێنانی ئەركی هاوپەیمانان لە عێراق دەکات

19:44 2024-02-17 25399 عێراق 0

2024-02-17

25399

ئەمڕۆ شەممە محەمەد شیاع سودانی سەرۆكی ئەنجومەنی وەزیران لەگەڵ ئەندامانی كۆنگرێسی ئەمریكا باسی كۆتایی هاتنی ئەركی هاوپەیمانی نێودەوڵەتی لە عێراق كرد.
نووسینگەی ڕاگەیاندنی سەرۆك وەزیران لە بەیاننامەیەكدا رایگەیاند:-محەممەد شیاع سودانی سەرۆكی ئەنجومەنی وەزیران پێشوازی لە چوار ئەندامی كۆنگرێسی ئەمریكا كرد، ئەوانیش: مایك تۆرنێر،مەیكیشیرل،جۆ ویلسۆن،جێری كۆنۆلی ،لە پەراوێزی بەشداریكردنی بەڕێزیان لە كۆنگرەی میونشن بۆ ئاسایشی 2024.
لە بەیاننامەكەدا ئاماژە بەوەشكراوە : لە میانی كۆبوونەوەكەدا پەیوەندییە دووقۆڵییەكانی نێوان عێراق و ئەمریكا تاوتوێ كران، هەروەها ڕێگاكانی بەرزكردنەوەی هاوكاریی بنیاتنەر، هەروەها پێداچوونەوە بە ژمارەیەك دۆسیە و بابەتی بەرژەوەندی هاوبەشدا كرا، هاوكات لە كۆبوونەوەكەدا دەست خرایە سەر گفتوگۆ بەردەوامەكان سەبارەت بە كۆتاییهێنان بە ئەركی هاوپەیمانی نێودەوڵەتی لە عێراق، دوای پێراگەیشتنی هێزە ئەمنییەكانی عێراق بە قۆناغێكی پێشكەوتووی ئامادەیی و ئەدای بەرز و گواستنەوە بۆ پەیوەندییە دووقۆڵییە فراوانەكانی نێوان عێراق و ویلایەتە یەكگرتووەكانی ئەمریكا و باقی وڵاتانی هاوپەیمانی.
سەرۆك وەزیران جەختی لەوە كردەوە : پێویستی پەرەپێدانی پەیوەندییەكانی نێوان هەردوو وڵات لەسەر ئاست و كەرتە جیاوازەكان، بەبێ ئەوەی سنووردار بكرێت بە تەنها لایەنی ئەمنی، ئاماژەی بە دۆخی بوژانەوە كە عێراق پێیدا تێدەپەڕێت، ئەو چاكسازیانەی تێیدا شاهیدییە و كەرتە ئابووری و داراییە جیاوازەكان و پێشكەوتنی ئەنجامدانی هاوبەشی ئابووری یەكگرتوو لەگەڵ وڵاتانی ناوچەكە و جیهان، كە بەشدار دەبێت لە پێشخستنی گەشەپێدان و بەدەستهێنانی سەقامگیری بۆ وڵات.
لای خۆشیانەوە ئەندامانی كۆنگرێسی ئەمریكا ئاماژەیان بە بەرژەوەندی خۆیان بۆ سەركەوتنی حكومەتی عێراق لە چەند لایەنێكدا كرد، جەختیان لە گرنگی عێراق و ڕۆڵی لە بەرزكردنەوەی ئاسایش و سەقامگیری لە ناوچەكەدا كرد.