نێچیرڤان بارزانی و باڵیۆزی نەرویج گفتوگۆیان لەبارەی ڕەوشی سیاسی و ئەمنی هەرێم و عێراق و ناوچەکە کرد

14:08 2024-01-31 22233 كوردستان 0

2024-01-31

22233

ئه‌مڕۆ چوارشه‌ممه‌"نێچيرڤان بارزانى" سه‌رۆكى هه‌رێمى كوردستان، لەگەڵ "ئيسپن ليندباك" باڵيۆزى نه‌رويج له‌ ئوردن و عێراق
په‌يوه‌ندييه‌كانى نه‌رويج دۆخی ئامنی و سیاسی هەرێم و عێراق و ناوچەکەیان تاوتوێدەکات .
لەبەیاننانەیەکی سەرۆکایەتی هەرێمی کوردستاندا هاتووە:- ‌"نێچيرڤان بارزانى" سه‌رۆكى هه‌رێمى كوردستان، له‌گه‌ڵ بالیۆزی نەرویج لە ئوردن و عێراق تاوتوێی ڕەوشی سیاسی هه‌رێمى كوردستان و گفتوگۆكانى هه‌ولێر ـ به‌غدا بۆ چاره‌سه‌ركردنى كێشه‌كانى نێوانيان و دۆخى سياسى و ئه‌منيى عێراق و هه‌رێمى كوردستانیان به‌گشتى کرد، هەروەک هه‌ڵبژاردنه‌كانى هه‌رێمى كوردستان و دۆخى شه‌نگال، تاوتوێ كران.
لە بەیاننامەکەی سەرۆکایەتی هەرێمدا ئەوەش هاتووە :- هه‌ردوولا جه‌ختيان له‌ بره‌ودان به‌ په‌يوه‌ندييه‌كان و هاريكاريى هاوبه‌ش به‌تايبه‌تى له‌و بوارانه‌دا كرده‌وه‌ كه‌ عێراق و هه‌رێمى كوردستان ده‌توانن سوود له‌ پسپۆڕى و ئه‌زموونه‌كانى نه‌رويج وه‌ربگرن، هه‌روه‌ها هاوڕا بوون كه‌ پێويسته‌ ئارامى و سه‌قامگيريى عێراق بپارێزرێت.
وەک بەیاننامەکە ئاماژەی پێداوە:- باڵيۆزی نه‌رويج دووپاتى كرده‌وه‌ كه‌ وڵاته‌كه‌ى به‌ بايه‌خه‌وه‌ له‌ په‌يوه‌ندييه‌كانى له‌گه‌ڵ عێراق و هه‌رێمى كوردستان و ئارامى و سه‌قامگيرييان ده‌ڕوانێت.
بەیاننامەکە ئەوەشی خستۆتەروو :- کە ده‌ر‌هاويشته‌ و لێكه‌وته‌كانى شه‌ڕ و ئاڵۆزييه‌كانى ڕۆژهه‌ڵاتى ناوه‌ڕاست و شه‌ڕ له‌ ئۆكراینا و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو