سەرۆک کۆمار و سەرۆکی پەرلەمان بەوەکالەت جەختیان لە هەماهەنگی نێوان هەردولا کردەو بۆ دەرکردنی یاسای پەیوەست بە پرسی هاووڵاتیان

18:54 2024-01-07 13497 عێراق 0

2024-01-07

13497

ئەمرۆ یەکشەممە "لەتیف جەمال رەشید " سەرۆک کۆمار،ومحسن مەندەلاوی سەرۆکی پەرلەمان بە وەکالەت جەختیان لە هەماهەنگی نێوان هەردولا کردەو بۆ دەرکردنی یاسای پەیوەست بە پرسی هاووڵاتیان.

لەبەیاننامەیەکی سەرۆکایەتی کۆماردا هاتووە:- ئەمرۆ یەک شەممە "لەتیف جەمال رەشید " سەرۆک کۆمار پێشوازیکرد لە"موحسین مەندەلاوی" سەرۆکی کاتی ئەنجومەنی نوێنەران.
لەمیانی دیدارێکدا ،کە لە کۆشکی بەغداد بەڕێوەچو، باس لە پێشهاتە سیاسی و ئەمنی و ئابورییەکانی وڵات کرا، سەرەڕای پێشهاتەکانی سەر هەردوو گۆڕەپانی ناوچەیی و نێودەوڵەتی.
بەپێی بەیاننامەکە :- سەرۆک کۆمار جەختی لە پێویستی درێژەدان بە هەماهەنگی نێوان سەرۆکایەتی کۆمار و ئەنجومەنی نوێنەران بۆ دەرکردنی یاسا و رێساکانی پەیوەست بە پرسی هاووڵاتیان کردەوە، هەروەها ئاماژەی کرد بۆ گرنگی بەرقەرارکردنی ئاسایش و سەقامگیری لە وڵات و پتەوکردنی یەکڕیزی نیشتمانی و پشتیوانی لە حکومەت بۆ جێبەجێکردنی بەرنامە حکومییەکەی و گرنگیدان بە داواکارییەکانی هاووڵاتیان و کارکردن بۆ جێبەجێکردنیان.
هەربەپێی بەیانناکە لەبەرامبەردا "موحسین مەندەلاوی"پەرۆشی سەرۆک کۆماری بەرزنرخاند بۆ درێژەدان بە هەماهەنگی نێوان سەرۆکایەتی کۆمار و ئەنجومەنی نوێنەران بەشێوەیەک کە خزمەت بە پرسەکانی هاووڵاتیان بکات،هەروەک جەختی لەوەشکردەوە،کە ئەنجومەنی نوێنەران سورە لەسەر پەسەندکردنی یاسا و تەواوکردنی مافە دەستوریەکان بەشێوەیەک، کە بەشداربێت لە پێشخستنی ئاستی خزمەتگوزارییەکان و باشترکردنی باری ژیانی هاووڵاتیان.