سودانی ڕەتیدەکاتەوە راگرتنی ناردنی موچه بۆ هه‌رێمی كوردستان سیاسی بێت
محەمەد شیاع سودانی سەرۆك وەزیرانی عێراق ره‌تیكرده‌وه، راگرتنی ناردنی موچه بۆ هه‌رێمی كوردستان سیاسی بێت و راشیگه‌یاند، حكومەتی هەرێمی كوردستان پابەند نەبوە یاسای بودجه و بڕیاری دادگای فیدڕاڵی، تاوه‌كو پابه‌ندیش نه‌بێت، وه‌زاره‌تی دارایی فیدڕاڵ ناتوانێت بودجه ره‌وانه بكات.
محه‌مه‌د شیاع سودانی سه‌رۆك وه‌زیرانی عێراق له چاوپێكه‌وتنێكدا له‌گه‌ڵ رۆژنامه‌ی (شەرقولئەوسەت) سه‌باره‌ت به‌موچه‌ی فه‌رمانبه‌رانی هه‌رێم رایگه‌یاند، "تۆمه‌تێك به‌بێ هیچ بنه‌مایه‌ك یان پاساوێكی یاسایی و ده‌ستوریه بوترێـت به‌غدا هه‌وڵی برسیكردنی خه‌ڵكی كوردستان ده‌دات، چونكه ئه‌وان به‌شێكن له میلله‌ته‌كه‌مان، ئه‌م حكومه‌ته به تایبه‌تی پابه‌ند بوه به جێبه‌جێكردنی ئه‌ركه ئه‌خلاقی و ده‌ستورییه‌كانی خۆی، هه‌روه‌ها چاره‌سه‌رمان بۆ ڕێككه‌وتنه سیاسییه‌كه دابینكرد كه چاره‌سه‌ركردنی كێشه هه‌ڵپه‌سێردراوه‌كانی له‌خۆگرتبو، به‌ڵام ئێمه باس له یاسای بودجه و بڕیاره‌كه‌ی دادگای فیدراڵی ده‌كه‌ین و ئه‌مانه‌ش زه‌مینه‌ی یاسایی پابه‌ندكه‌رن كه سه‌رۆك وه‌زیران ناتوانێت تێیانپه‌ڕێنێت".
وتیشی، "له‌دوای په‌سندكردنی یاسای بودجه و دواتر هه‌مواركردنه‌وه‌ی یاسای بودجه، حكومه‌تی هه‌رێمی كوردستان پابه‌ند نه‌بوه به ڕاده‌ستكردنی سه‌رجه‌م نه‌وتی به‌رهه‌مهێنراو له ناوخۆی هه‌رێم، وه‌ك له یاساكه‌دا هاتوه و دادگای فیدراڵیش پشتڕاستیكردوه‌ته‌وه، هه‌روه‌ها حكومه‌تی هه‌رێم پابه‌ند نه‌بوه به ڕاده‌ستكردنی داهاته نا نه‌وتییه‌كان به خه‌زێنه‌ی گشتی، ئه‌مه‌ش پێشێلكردنی یاسا و بڕیاره‌كه‌ی دادگای فیدراڵییه، بۆیه وه‌زاره‌تی دارایی ناتوانێت هیچ بودجه‌یه‌ك دابین بكات به‌بێ پابه‌ندبونی حكومه‌تی هه‌رێم".
ئاشكراشیكردوه، "له ئه‌نجامی به‌دواداچونمان بۆ چاره‌سه‌ره‌كان به درێژایی ماوه‌ی ڕابردو، ئه‌مه‌ش بوه‌ته هۆی ئه‌وه‌ی كه ئێمه پاره له ده‌ره‌وه‌ی پشكی ته‌رخانكراو به‌پێی یاسای بودجه خه‌رج بكه‌ین، به‌هۆی ده‌رچونی یاسای دادگای فیدراڵی، هه‌روه‌ها جیاوازی له لێكدانه‌وه‌كان له نێوان پابه‌ندبون به پێدانی موچه و پابه‌ندبون به پشكی ته‌رخانكراو له یاسای بودجه‌دا هه‌یه، به به‌راورد به خه‌رجكردنی ڕاسته‌قینه‌ی بودجه‌ی گشتی، ئه‌مانه‌ش بابه‌تی یاسایی ته‌كنیكی ڕونن نه‌ك بڕیارێكی سیاسی"
سودانی ده‌شڵێت، "هه‌رێم قه‌واره‌یه‌كی ده‌ستورییه كه ده‌وڵه‌تی عێراق به هه‌مو پێكهاته‌كان و ده‌سه‌ڵاته‌كانیه‌وه ڕێزی لێده‌گیرێت، ئێمه حه‌زمان له سه‌قامگیری هه‌رێمه، ئه‌مه‌ش به‌ڵگه‌ی ئه‌وه‌یه كه ئێمه هاوكار و پاڵپشتی و به‌شداریمان له ئه‌نجامدانی هه‌ڵبژاردنی په‌رله‌مانی هه‌رێمی كوردستان كرد، كه نزیكه‌ی هه‌شت بۆ نۆ مانگ له‌مه‌وبه‌ر به‌ڕێوه‌چو، به‌داخه‌وه تا ئێستا هێزه سیاسییه‌كانی هه‌رێم نه‌یانتوانیوه حكومه‌ت پێكبهێنن، حكومه‌تی فیدراڵی زۆر خواستی بو پشتگیری له كۆمسیۆنی هه‌ڵبژاردنه‌كان بكات و بودجه‌یه‌ك ته‌رخان بكات، من به شه‌خسی دوای هه‌ڵبژاردن، گه‌شتێكم كرد بۆ سه‌ردانی هه‌مو هێزه سیاسییه براوه‌كانی هه‌رێم، داوام لێكردن حكومه‌تێكی نوێ بۆ هه‌رێم پێكبهێنن، هه‌روه‌ها په‌رله‌مان ده‌سه‌ڵات و ئه‌ركه‌كانی له چوارچێوه‌ی ده‌ستوردا جێبه‌جێبكات".
ئه‌وه‌شی ئاشكراكردوه، "له دانیشتنی ئه‌نجومه‌نی وه‌زیران له سێشه‌ممه‌ی ڕابردودا، به وردی باس له بابه‌تی موچه كرا، هه‌روه‌ها ئه‌و وه‌ره‌قه‌ی كه له‌لایه‌ن وه‌زاره‌ته فیدڕاڵیه‌كانه‌وه پێشكه‌ش كرا و ئه‌و وه‌ره‌قه‌ی كه له‌لایه‌ن حكومه‌تی هه‌رێمه‌وه پێشكه‌ش كرابو، خرانه‌ڕو، لیژنه‌یه‌كمان پێكهێنا به سه‌رۆكایه‌تی جێگری سه‌رۆك وه‌زیران و وه‌زیری پلاندانان، پێنج وه‌زیریش وه‌ك ئه‌ندام، بۆ ئه‌وه‌ی بتوانن پرۆژه‌یه‌ك به كۆده‌نگی له نێوان ئه‌و دو وه‌ره‌قه‌دا بدۆزنه‌وه به شێوه‌یه‌ك كه له‌گه‌ڵ ده‌ستور و یاسا و بڕیاری دادگای فیدراڵیدا بگونجێت، پاشان ڕاسپارده‌كانیان ده‌خسته به‌رده‌م ئه‌نجومه‌نی وه‌زیران بۆ په‌سه‌ندكردن دوای ئه‌وه‌ی دڵنیابون له‌وه‌ی كه پابه‌ندبونێكی فه‌رمی له‌لایه‌ن حكومه‌تی هه‌رێمه‌وه به ناوه‌ڕۆكی ئه‌م توێژینه‌وه‌یه هه‌یه".
له‌باره‌ی په‌یوه‌ندیه‌كانی له‌گه‌ڵ مه‌سعود بارزانی، سودانی رایگه‌یاندوه، "سه‌رۆك مه‌سعود بارزانی كه‌سایه‌تییه‌كی نیشتیمانی به‌ڕێزه، ئه‌وپه‌ڕی ڕێز و پێزانینمان هه‌یه بۆی، ئێمه له ماوه‌ی ڕابردودا په‌یوه‌ندییه‌كی باشمان دروستكردوه، باوه‌ڕمان به هاوبه‌شیكردن له‌گه‌ڵیدا هه‌یه له به‌ڕێوه‌بردنی دۆخی سیاسیدا، وه‌ك ئاماژه‌م پێدا، جیاوازی یان لێكچون له هه‌ڵوێستی ئه‌م دواییه یاسایی و ته‌كنیكییه نه‌ك سیاسی، ئه‌و زۆر باش ده‌زانێت كه ئێمه حه‌زمان له به‌رژه‌وه‌ندی گه‌له‌كه‌مانه، جا له هه‌رێمی كوردستان بێت یان باقی پارێزگاكان، به‌ڵام به دڵنیاییه‌وه ئێمه ده‌سه‌ڵاتی ڕه‌هامان نییه ده‌ستور و یاسا تێپه‌ڕێنین، ئێمه پاره‌ی گشتیمان بۆ هه‌مو عێراقییه‌كان پێ سپێردراوه، ئه‌ركی سه‌رشانی ئێمه‌یه به بێ هیچ جیاوازی و ئیستسنایه‌ك، دادپه‌روه‌ری و یه‌كسانی به‌دی بهێنین".
كلمات مفتاحية
اخبار ذات صلة
تعليقات
أحدث الاخبار
الحرس الثوري الإيراني يعلن تدمير رادار أمريكي في البحرين
التعليم العالي توجه دعوة للطلبة المتقدمين للقبول في الجامعات والكليات الأهلية
عطل في مايكروسوفت يوقف خدمات هامة في 74 دولة بينها العراق
ترامب: خيار القوة العسكرية ضد إيران مطروح مجدداً وقد أستخدمه
دوري الأمم الأوروبية.. بلجيكا تهزم تركيا بهدفين لهدف خارج أرضها
العراق.. تأثر البلاد بحالة جوية ممطرة قبل نهاية الشهر الحالي
الدفاع الجوي يعلن التعاقد على منظومات متطورة وتسلمها خلال الفترة المقبلة
الأمن الوطني: تحديد المسؤولية عن هجوم كورمور يستند حصراً إلى الأدلة
المجلس الوزاري للخدمات يقر استراتيجية مكافحة التسول ويناقش جملة ملفات
رئيس الوزراء يبحث مع قيادات سياسية وأمنية تعزيز الاستقرار وسيادة الدولة
الرافدين يستكمل منح الدفعة الأولى من الوجبة السادسة للسلف الإلكترونية للمتقاعدين
ضربة استخباراتية توقع بمعمل سري للأدوية ومواد التجميل المغشوشة ببغداد
أسعار النفط تتجاوز 94 دولاراً عقب تصريح ترمب بشأن إيران
أنصار الله تندد بالحملات ضد كتائب حزب الله وتدعو لتوحيد الفصائل العراقية
بارزاني يكشف تفاصيل مباحثات بغداد حول الحقوق المالية والتعيينات والبرلمان
ارتفاع أسعار صرف الدولار في أسواق بغداد وأربيل مع إغلاق الأسبوع
واشنطن.. 4 مصابين على الأقل بحادث إطلاق نار لم يُحسم بعد
