چوارچێوەی هەماهەنگی جەخت لە پێویستی یەکلاکردنی شایستە نیشتمانییەکان دەکاتەوە

23:30 2026-01-05 18671 عێراق 0

2026-01-05

18671

ئەمڕۆ دووشەممە، چوارچێوەی هەماهەنگی، جەختی لە پێویستی یەکلاکردنی شایستە نیشتمانییەکان کردەوە لە ڕێگەی دیاریکردنی سەرۆکی ئەنجومەنی وەزیران، لەگەڵ تەواوی شایستە هەڵبژاردنەکانی تر، بەپێی ڕێکارە دەستوورییەکان و پێداویستییەکانی قۆناغی داهاتوو.
فەرمانگەی ڕاگەیاندنی چوارچێوەکە، لە ڕاگەیەندراوێکدا کە دەست ئاژانسی هەواڵی موتەڵع کەوتووە، ڕایگەیاند: "چوارچێوەی هەماهەنگی کۆبوونەوەی خولیی ژمارە (257)ی خۆی، ئەمڕۆ دووشەممە ڕێکەوتی 5ی کانوونی دووەمی 2026، لە نووسینگەی حەیدەر عەبادی ئەنجامدا، و تێیدا چەندین بابەتی ناو کارنامەکەی و دوایین پەرەسەندنەکانی دۆخی ناوخۆیی و نێودەوڵەتی تاوتوێ کرد".
ڕاگەیەندراوەکە ئاماژەی بەوەش کردووە، "کۆبوونەوەکە جەختی کردەوە لەسەر پێویستی یەکلاکردنی شایستە نیشتمانییەکان بە دیاریکردنی سەرۆکی ئەنجومەنی وەزیران، لەگەڵ شایستە هەڵبژاردنەکانی تر، بەپێی سیاقە دەستوورییەکان و پێداویستییەکانی قۆناغی داهاتوو".
بەپێی ڕاگەیەندراوەکە، چوارچێوەی هەماهەنگی پیرۆزبایی "هەڵبژاردنی دەستەی سەرۆکایەتی ئەنجومەنی نوێنەرانی کرد کە بە پرۆسەیەکی دیموکراسی بەڕێوەچوو، و ئاماژەی بە پێویستی یەکلاکردنی لیژنە پەرلەمانییەکان کرد لە پێناو تەواوکاریی کارە پەرلەمانی و جێبەجێکردنەکان".
هەروەها چوارچێوەی هەماهەنگی پیرۆزبایی ئاراستەی "کارمەندانی سوپای عێراقی پاڵەوان کرد بەبۆنەی 105 ساڵەی دامەزراندنی، و ئەو قوربانییانەی کە لە پێناو ئاسایش و سەقامگیری عێراقدا بەخشیویانە".