پۆلیسی ڕاپەرین په‌یامێكی ئاڕاسته‌ی هاوڵاتیان ده‌كات ‏ ‏

20:13 2025-08-18 51800 كوردستان 0

2025-08-18

51800

به‌ڕێوه‌به‌رایه‌تی پۆلیسی ڕاپه‌ڕین له‌په‌یامێكی ئاراستەی هاوڵاتیان کرد و رایگه‌یاند، ئه‌ندامانی باندێك په‌یدابون هه‌ڵده‌ستن به‌ داونلۆدكردنی ئه‌و وێنه‌ و ڤیدیۆیانه‌ی كه‌وا له‌ تۆڕه‌كانی كۆمه‌ڵایه‌تیه‌كان به‌ (public ) داده‌ندرێن، دواتر به‌و وێنه‌ و ڤیدیۆیانه‌ هه‌ڕه‌شه‌ له‌ خاوه‌نه‌كانیان ده‌كه‌ن بۆ به‌ده‌ستهێنانی پاره‌.
‏
‏پۆلیسی ئیداره‌ی ڕاپه‌ڕین له‌په‌یامێكدا بڵاویكرده‌وه‌، ئاگاداری هاوڵاتیانی سنوره‌كه‌مان ده‌كه‌ینه‌وه‌ ماوه‌یه‌كه‌ ئه‌ندامانی باندێك په‌یدابون هه‌ڵده‌ستن به‌ داونلۆدكردنی ئه‌و وێنه‌ و ڤیدیۆیانه‌ی كه‌وا له‌ تۆڕه‌كانی كۆمه‌ڵایه‌تی و په‌یوه‌ندیكردن وه‌ك (سناپ چات ، فه‌یسبوك ، ئینستاگرام .....) به‌ گشتی (public ) داده‌ندرێن، دواتر به‌و وێنه‌ و ڤیدیۆیانه‌ هه‌ڕه‌شه‌ له‌ خاوه‌نه‌كانیان ده‌كه‌ن بۆ به‌ده‌ستهێنانی پاره‌، به‌ پێچه‌وانه‌وه‌ بڵاویده‌كه‌نه‌وه‌، جگه‌ له‌وه‌ش هه‌ڵده‌ستن به‌ بڵاوكردنه‌وه‌ و ده‌ستكاریكردن و دانانی نوسینی نه‌شیاو له‌سه‌ر وێنه‌ و ڤیدیۆكان، دور له‌ هه‌مو به‌هایه‌كی ئه‌خلاقی و ئینسانی و ئاینی".
‏ئاماژه‌ی به‌وه‌شكردوه‌، داواكارین كه‌ خۆتان بپارێزن له‌ بڵاوكردنه‌وه‌ی وێنه‌ و ڤیدیۆ تایبه‌ته‌كانتان، به‌ شێوه‌ی گشتی (public) له‌ هه‌مو تۆڕه‌ كۆمه‌ڵایه‌تیه‌كان".
‏ده‌توانن سه‌ردانی نوسینگه‌كانی قه‌ده‌غه‌كردنی خراپ به‌كارهێنانی ئامێره‌كانی په‌یوه‌ندیكردن بكه‌ن
‏
‏ئه‌وه‌شیخستۆته‌ڕو، له‌ ئه‌گه‌ری ڕودانی هه‌ر حاڵه‌تێكی له‌م چه‌شنه‌ ده‌توانن سه‌ردانی نوسینگه‌كانی قه‌ده‌غه‌كردنی خراپ به‌كارهێنانی ئامێره‌كانی په‌یوه‌ندیكردن بكه‌ن، هاوڵاتیان سنوره‌كه‌مان دڵنیا ده‌كه‌ینه‌وه‌ هێزه‌كانمان به‌رده‌وامن له‌ به‌دواداچون و ده‌ستگیركردنی ئه‌و كه‌سانه‌ی كه‌ به‌م كاره‌ هه‌ڵده‌ستن".