كه‌شناسی : لە بەشێک ناوچە شاخاویەکانى پارێزگای دهۆک تاوەبارانى بەلێزمە دەبێت

20:25 2025-04-01 92856 كوردستان 0

2025-04-01

92856

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان ڕایگه‌یاند، لە بەشێک ناوچە شاخاویەکانى پارێزگای دهۆک شێوازى دابارین هەندێک جار دەگۆڕێت بۆ تاوەبارانى بەلێزمە و هەورە تریشقە و لە درەگانى شەودا دابارین کۆتایی پێدێت.
‏
‏به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ سێشه‌ممه‌ ئاسمان ساماڵ و پەڵەهەور دەبێت لە درەنگانى شەودا لە باکورى هەرێم دەگۆڕێت بۆ هەورى تەواو، خێرایی با له‌ نێوان 10 بۆ 15 كیلۆمه‌تر ده‌بێت و ئاڕاستەی با باکوری خۆرهەڵات دەبێت.
‏ئاماژه‌ی به‌وه‌شكردوه‌، سبەی چوارشەممە ئاسمانى هەرێم هەوری تەواو دەبێت لەگەڵ بارینى شەپۆلێکى نمەباران و هەورە تریشقە سەرەتا لە ناوچە شاخاویەکانى دهۆک دەستپێدەکات پاشان سەرجەم ناوچەکانى هەرێم دەگرێتەوە، لە بەشێک ناوچە شاخاویەکانى پارێزگای دهۆک شێوازى دابارین هەندێک جار دەگۆڕێت بۆ تاوەبارانى بەلێزمە و هەورە تریشقە و لە درەگانى شەودا دابارین کۆتایی پێدێت.
‏به‌گوێره‌ی كه‌شناسی، خێرایى با له‌ نێوان 15 بۆ 20 كیلۆمه‌تر له‌ كاتژمێردا ده‌بێت و هەندێك جار چالاک دەبێت بۆ 30 كیلۆمه‌تر ده‌بێت و ئاڕاستەی با باشوری خۆرهەڵات دەبێت، پلەکانی گەرما نزیک دەبێتەوە لە تۆمارکراوەکانی ئەمڕۆ.
‏
‏بەرزترین پلەکانی گەرمای پێشبینیکراو بە پلەی سیلیزی:
‏هەولێر: 26 پلەی سیلیزی
‏سلێمانی: 25 پلەی سیلیزی
‏دهۆک: 23 پلەی سیلیزی
‏کەرکوک: 29پلەی سیلیزی
‏زاخۆ : 23 پلەی سیلیزی
‏هەڵەبجە : 25 پلەی سیلیزی
‏سۆران: 21 پلەی سیلیزی
‏حاجی ئۆمەران :12 پلەی سیلیزی
‏گەرمیان: 31 پلەی سیلیزی