خامنەیی: هێزی میللەت زیاتر پەیوەندی بە ئیرادە و خۆڕاگری گەلەوە هەیە نەک بە موشەک

21:49 2026-02-09 18897 عەرەبی و نێودەوڵەتی 0

2026-02-09

18897

عەلی خامنەیی، ڕێبەری باڵای كۆماری ئیسلامیی ئێران لە پەیامێکی تەلەفزیۆنیدا داوای گردبونەوەی جەماوەری بۆ پیشاندانی هێزی گەل لە ساڵڕۆژی سەرکەوتنی شۆڕشی ئیسلامی لە 11ی ئه‌م مانگه‌ و پوچەڵکردنەوەی پلانەکانی دوژمن و ڕاگەیاندنی وەفاداری بۆ کۆماری ئیسلامی كرد.
عەلی خامنەیی له‌ په‌یامێكدا باسی له‌وه‌كردوه‌، "هێزی میللەت زیاتر پەیوەندی بە ئیرادە و خۆڕاگری گەلەوە هەیە نەک بە موشەک و فڕۆکە، سوپاس بۆ خوا ئێوە خۆڕاگری و ئیرادەتان نیشانداوە، لە بارودۆخی جۆراوجۆردا دوبارە نیشانی بدەن، دوژمن بێ ئومێد بکەن".

ڕێبه‌ری باڵا "ساڵڕۆژی سەرکەوتنی شۆڕشی ئیسلامی"، بە ڕۆژێک بۆ نیشاندانی هێزی گەلی ئێران وەسفکرد و جەختی لەوەکردەوە کە بەشداری بەرفراوان لە ڕێپێوانەکان "دوژمن ناچار دەکات پاشەکشە لە تەماحەکانی بەرامبەر ئێران و بەرژەوەندییە نەتەوەییەکانی ئێران بکات".

هه‌روه‌ها داوای كردوه‌ كه‌ رۆژی 11ی ئه‌م مانگه‌ هەموان بچنە سەر شەقامەکان و دروشم هاودەنگی و دڵسۆزی خۆیان بۆ کۆماری ئیسلامی ئێران ڕابگەیەنن.
عه‌لی خامنه‌یی ئه‌وه‌شی خسته‌ڕو، "لە ١١ی مانگی شوباتی هەمو ساڵێکدا هێز و کەرامەتی نەتەوەی ئێران ئاشکرا دەبێت، نەتەوەیەک، سوپاس بۆ خوا، پڕ لە زیندویی، ئیرادە، چەسپاو، سوپاسگوزار، ئاگاداری بەرژەوەندییەکانی و مەترسییەکانی گەندەڵی".

رونیشیكرده‌وه‌، لەو ڕۆژەدا نەتەوەی ئێران سەرکەوتنێکی گەورەی بەدەستهێناوه‌، وەک چۆن توانی خۆی و وڵاتەکەی لە دەستێوەردانی دەرەکی ڕزگار بکات، ئەو بیانیانە بە درێژایی ئەم ساڵانە هەمیشە هەوڵی گەڕاندنەوەی دۆخی پێشویان داوە.

خامنه‌یی ئه‌وه‌شی وت، "نەتەوەی ئێران هێزی ڕاستەقینەی خۆی لە ڕێگه‌ی بونی جەماوەری لە شەقامدا نیشان دەدات و ئەوەش پلانی ئەو کەسانە پوچەڵ دەکاتەوە کە تامەزرۆی کۆماری ئیسلامی و بەرژەوەندیی خەڵکی ئێرانیان بو".