تیمی وەزاری یەكێتیی نیشتمانیی كوردستان لە حكومەتى هەرێم رونکردنەوەیەک بڵاو دەکاتەوە
تیمی وەزاری یەكێتیی نیشتمانیی كوردستان لە حكومەت لەبارەی مووچەی مووچەخۆرانی هەرێمەوە روونكردنەوەیەك بۆ رای گشتی بڵاودەكاتەوەو رایدەگەیەنێت: "لەدوا كۆبوونەوەی ئەنجومەنی وەزیراندا، تیمی وەزاری یەكێتی داوایكردووە بەو بڕە پارەیەی لەبەغداوە هاتووە دەستبكرێت بە دابەشكردنی مووچەو هەوڵ بدرێت داوای ئەو بەشەی تریش لە وەزارەتی دارایی عیراق بكرێت بۆئەوەی بینێرێت".
راشیدەگەیەنێت: "ئەوانەی لە هەوڵی تێكدانی نێو ماڵی كوردن بوونەتە باعیسی رێكنەكەوتن و تێكدانی پەیوەندییەكانی نێوان هەرێم و بەغدا و دواتر خەڵكی كوردستانیش دەبنە قوربانی ئەو سیاسەتە هەڵەیەو ناكرێت پشوودرێژی خەڵك لەبەرچاو نەگیرێت و مافەكانیان پەراوێز بخرێت".
دەقی روونكردنەوەكە:
روونكردنەوەیەك بۆ رای گشتی..
لە چەند رۆژی رابردوودا هەواڵ و تەسریباتی ناڕاست و نادروست لە سەر بابەتی مووچە زۆر وترا و بڵاوكرایەوە، بۆ راستكردنەوە و گەیاندنی زانیارییەكان بە دروستی و دوور لە موزایدەی سیاسی، مەبەستمان بوو ئەم دوو خاڵە بخەینەڕوو..
یەكەم: لە دوا كۆبوونەوەی ئەنجومەنی وەزیراندا، تیمی وەزاری یەكێتی داوایكرد بەو بڕە پارەیەی كە لە بەغداوە هاتووە دەستبكرێت بە دابەشكردنی مووچەی مووچەخۆرانی هەرێم، چونكە بەرەجەژنانە و خەڵك چاوەڕێی ئەو مافەی خۆیەتی وەریبگرێت، لەگەڵ ئەوەش هەوڵ بدرێت ئەو بەشەی تریش داوا بكرێت لە وەزارەتی دارایی عیراق بینێرێت. هەبوون كە لایەنی سەرەكی حكومەتن؛ لە دژی ئەو بۆچوونەی ئێمە قسەیان كرد.. جگە لەوە هەرچییەك وترابێت بە پێچەوانەی ئەوەی دەیڵێین؛ راست نییە و مەرام و موزایەدەی سیاسی لە پشتە.
دووەم: یەكێتیی نیشتمانیی كوردستان بە حیزب و تیمی حكومەتیشەوە، سیاسەتێكی میانڕەوانەی گرتووەتەبەر لەگەڵ لایەنەكانی هەرێم و عیراق و هاوسەنگی راگرتووە لە پێناو پاراستنی سەقامگیری و بەدەستهێنانی مافەكانی گەلی كورد كە بە خوێنی شەهیدانمان بەدەست هاتوون و ئەمانەتە لە ئەستۆی هەموومان، هەرگیز هەوڵی تێكدانی نێو ماڵی لایەنەكانی هەرێم و بەغدای نەداوە لەپێناو پۆستێكی دیاریكراودا. بۆیە ئەوانەی ئەو هەوڵانە دەدەن، بوونەتە باعیسی رێكنەكەوتن و تێكدانی پەیوەندییەكانی نێوان هەرێم و بەغدا و دواتر خەڵكی كوردستانیش دەبنە قوربانی ئەو سیاسەتە هەڵەیە.
لە كۆتاییدا دەڵێین؛ بەم رەمەزان و بەرەجەژنانە، خۆزگە لەبری بەیاننامە و لێدوان و تەسریباتی ناڕاست، بە هەموومانەوە هەوڵی چارەسەركردنی ئەو كێشەمان بدایە كە زیاد لە 10 ساڵە ماف و شایستەی مووچەخۆرانمان دەستەبەر ناكرێت. خەڵكی كوردستان راستە پشووی درێژە بەڵام ناكرێت ئەو پشوودرێژییە لەبەرچاو نەگیرێت و مافەكانیان پەراوێز بخرێت.
تیمی وەزاری یەكێتیی نیشتمانیی كوردستان
كلمات مفتاحية
اخبار ذات صلة
تعليقات
أحدث الاخبار
اشتباكات بين القوات الإيرانية والأمريكية في الخليج وبحر عمان
إيران تحذر دول المنطقة: نراقب تحركات القوات الأمريكية برا وجوا
وزير الدفاع الإسرائيلي: المواجهة مع إيران "بعيدة عن نهايتها"
القبض على تاجرين وضبط 10 آلاف حبة كبتاجون مخبأة بصحراء كربلاء
نافياً لتصريحات ترامب… وزير الطاقة الأمريكي ينفي علمه بسحب نفط إيراني
نقابة أطباء العراق تحذر من أزمة توظيف الخريجين وتطالب الحكومة بتدخل عاجل
اجتماع حساس... الرئاسات الأربع تؤكد حسم استكمال الكابينة الوزارية بأقرب وقت
الزيدي يراسل الشرع: مباحثات لتعزيز العلاقات والتنسيق الاقتصادي والأمني
غداً... عطلة رسمية في محافظة بغداد بذكرى مجزرة سبايكر
مسؤول أمريكي يحذر إيران من تحدي واشنطن.. وترامب: "عليها دفع الثمن"
ترامب: قد نهاجم إيران بقوة وكان عليها أن توقع على الاتفاق
تطور علمي روسي يفتح آفاقاً أوسع لصناعة الدواء والوقود
رئيس الوزراء يتلقى دعوة للمشاركة في منتدى الدول المصدرة للغاز بموسكو
الحكومة تكشف ملامح المرحلة المقبلة: إصلاح اقتصادي وأمن مالي وسيادي
بسبب الرشوة واستغلال النفوذ.. القضاء يصدر أحكاماً بحق موظفين ومسؤولين
ترامب: إيران أضاعت وقتاً طويلاً بالتفاوض والآن سيتعين عليهم دفع الثمن
رئيس الوزراء: ماضون بحصر السلاح بيد الدولة وترسيخ السيادة
