ترەمپ: چیتر رێگا نادەین وڵاتان لەسەر ئابووری ئەمەریكا دەوڵەمەند ببن ‏‌-

00:07 2025-04-11 88517 عەرەبی و نێودەوڵەتی 0

2025-04-11

88517

سەرۆکی ئەمەریکا رایگەیاند ، پێشتر ئەمەریكا رێگەی داوە كە ژمارەیەك لە وڵاتان لەسەر ئابووری ئەمەریكا دەوڵەمەند و گەورە ببن، بەڵام چیدیكە رێگە بەئەو كارەنادەین، هەروەها دووبارە كار بۆ بنیادنانەوە و نۆژەنكردنەوەی كەشتییەكان دەكەین.
‏
‏دۆناڵد ترەمپ، سەرۆکی ئەمەریکا لە میانەی کۆبوونەوەی لەگەڵ ژمارەیەك لە وەزیرەكانی كابینەكەی رایگەیاند، "لەدوای بڕیاری سەپاندنی باج و زیادكردنی رەسمی گومرگی، ئێستا ئابووری ئەمەریكا لەقۆناغێكی زۆر باشدایە، لە جێبەجێكردنی بڕیارەكانیش سەرەتادا روبەڕوی كەمێك كێشە دەبینەوە، بەڵام لە دواجاردا كاروبارەكان بەباشی بەڕێوەدەچن".
‏
‏ئاماژەی بەوەکرد، "ئێمە سەرکەوتوو بووین لە کەمکردنەوەی هەڵاوسان بۆ ئاستێکی زۆر نزم، سەرەڕای ئەوەی هەمووان چاوەڕوانی رێژەی بەرزیان دەکرد".
‏ئەوەشی خستەڕوو، "پێشتر ئەمەریكا رێگەی داوە كە ژمارەیەك لە وڵاتان لەسەر ئابووری ئەمەریكا دەوڵەمەند و گەورە ببن، بەڵام چیدیكە رێگە بەئەو كارەنادەین، هەروەها دووبارە كار بۆ بنیادنانەوە و نۆژەنكردنەوەی كەشتییەكان دەكەین، بۆ ئەوە مەبەستەش بەنیازین كە ژمارەیەك كەشتی لە وڵاتان بكڕین كە بۆ ئایندەی وڵاتەكەی زۆر گرنگن".
‏
‏ترەمپ وتی، "ئێمە هەوڵ دەدەین پاڵ بە جیهانەوە بنێین کە بە دادپەروەرانە مامەڵەمان لەگەڵ بکات، ئەمەش کارێکە کە دەبوو 25 یان 40 ساڵ لەمەوبەر بکرایە".
‏
‏وتیشی، "سەبارەت بە بارمتەکانی غەززە گفتوگۆ دەکەین و نزیکین لە دەستەبەرکردنی ئازادکردنیان، ئێمە لەگەڵ ئیسرائیل و حەماس پەیوەندی بەردەوامان هەیە".