ئەوەی لە میدیاكانەوە باسدەكرێت سەبارەت لە سەرۆكایەتیی ئەنجومەنی پارێزگا هیچ بنەمای راستی نییە

18:15 2024-08-17 236732 كوردستان 0

2024-08-17

236732

راکان جبوری، پارێزگاری پێشووی کەرکووک بە وەکالەت و ئەندامی بەرەی عەرەبی لە ئەنجومەنی پارێزگای کەرکووک رایگەیاند: ئەوەی لە میدیاكانەوە باسدەكرێت سەبارەت لە سەرۆكایەتیی ئەنجومەنی پارێزگا هیچ بنەمای راستی نییە تەنانەت ئەگەر بەنهێنیش بێت.
ئاماژەی بەوەشکرد: هەموو لایەک دەزانن ئێمە رەتیدەكەینەوە بەشداری لە هیچ رێككەوتنێكدا بكەین، مەگەر ئەوەی خۆمان هەر لە سەرەتاوە رێككەوتنەكەمان داڕشتبێت، هەروەها كارەساتی دزینی دەنگی پێكهاتەی عەرەب بۆ ئەوەی بەم شێوازە ئیدارەی پێ بدەن.
باسی لەوەشکرد: دەست لە مافی خەڵكەكەمان لەبەرامبەر پۆستە كاتییەكاندا هەڵناگرین، حەزدەكەین بۆ خەڵكی خۆمان لە پێكهاتەی عەرەب ئەوە روون بكەینەوە كە رێككەوتنەكە خراپ و خیانەتكارانەیەو هاوڵاتیانمان قەبارەی ئەو كارەساتە نازانن كە لە ئایندەدا رووبەڕووی پێكهاتەی عەرەبی دەبێتەوە كە ئەمانەن: ئێستا لە ئەنجومەنی پارێزگای كەركوك 6 ئەندامی كورد هەیە لە یەكێتیی نیشتمانی لەبەرامبەر 3 عەرەب، ئەوەی دەمێنێتەوە لە پێكهاتەی عەرەب دەبن بە ئۆپۆزسیۆن، هەر بڕیارێك لە ئەنجومەن پێویستی بە 50+1ـی نیساب هەیە، كە 5 ئەندامە، بەمەش هەر بڕیارێک كە گروپی لەبەریەك هەڵوەشاوەی عەرەب بیەوێت لە پرسی زەوی و زارو 57و بێسەروشوێنەكان یان هەر بڕیارێكی تر كە یەكێتیی نەیەوێت، تێناپەڕێت چونكە ئەوان 6 ئەندامیان هەیە، هەروەک دەتوانن هەر بڕیارێک تێپەڕێنن تەنانەت ئەگەر بۆ لێسەندنی مافی پێكهاتەی عەرەبیش بێت، تەنانەت ئەگەر ئەو عەرەبانەشی كە جیابوونەتەوە لە دانیشتنەكە بكشێنەوە
بەمە، كۆتایی بە هێزی عەرەب لە ئەنجوومەنی پارێزگا هێنرا، ئەمە جگە لەوەی سەرۆكی ئەنجومەن ناتوانێت لە هیچ بڕیارێكدا پشتیوانی لە پێكهاتەكەی بكات، بەهۆی تۆمەتباركردنی لەلایەن نەتەوەكانی ترەوە بەوەی بێلایەن نییە، تەنیا دوو ئەندام دەمێنێتەوە لەوانەی كە جیابوونەتەوە كە دەنگەكانیان هیچ بەهایەكی نییە، بۆیە من ئەم رێككەوتنەم ناو لێناوە خیانەت.