ئاژانسی موتەڵع وردەکاری سەردانەکەی سەرۆک وەزیران بۆ پارێزگای بابل بڵاودەکاتەوە

23:46 2024-05-09 30694 عێراق 0

2024-05-09

30694

سەرۆکی ئەنجومەنی وەزیران محەمەد شەیاع سودانى، کۆتایی بە سەردانەکەی دێنێت بۆ پارێزگای بابل، لە چوارچێوەی زنجیرە سەردانە مەیدانییەکانی بۆ پارێزگاکان، و سەردانەکەی بریتی بوو لە:

■ دەستپێکردنی پاکێجێک پڕۆژەی خزمەتگوزاری نوێ لە پارێزگای بابل بە بەهای (1,276,740,000,000) دینار.

■ ڕەوانەکردنی پڕۆژەی ئاوەڕۆی گەورەی حلە/قۆناغی دووەم بۆ جێبەجێکردن بە تێچووی 287 ملیۆن دۆلار.

■ دەستپێکردنی پڕۆژە یەکخراوەکانی ئاوەڕۆ و ئاوی باران لە قەزاکانی (قاسم و هاشمیە و ناحییەی مەدحەتیە) بە بڕی (364،500،000،000 دینار).

■ دەستپێکردنی پڕۆژەیەکی یەکخراو بۆ تۆڕی ئاوەڕۆ و تۆڕی ئاوی باران لە قەزای کفل بە بڕی 134.2 ملیار دینار.

■ دەستپێکردنی پڕۆژەی ڕێگایەک کە ڕێگای خێرای (بەسرە - بەغدا) بەیەکەوە دەبەستێتەوە، لە ڕێگەی ناحییەی ئیمام - عەنانە - بۆ ئەلئیبراهیمیە لە قەزای هیندییە، بە تێچووی 320 ملیار دینار.

■ بەڕێوەبردن و کارپێکردنی نەخۆشخانەی ئیمام سادق (سەلامی خوای لێبێت) لەلایەن کۆمپانیایەکی بیانی تایبەتمەندەوە بە بڕی 60 ملیۆن دۆلار.

■ دەستپێکردنی کارکردن لە پڕۆژەی ئاشی ئیتیحاد، کە یەکێک لە پڕۆژەکانی کەرتی تایبەت بۆ بەرهەمهێنانی ئاردی سفر بە توانای بەرهەمهێنانی (یەک ملیۆن تەن) لە ساڵێکدا.

■ کردنەوەی پڕۆژەی فراوانکردنی کارگەی شەکر لە کۆمپانیای ئیتیحاد، بۆ ئەوەی توانای بەرهەمهێنانی کارگەکە لە (4,200) تۆنەوە زیاد بکات بۆ (6,000) تۆن لە ڕۆژێکدا.

■ کردنەوەی کارگەی دەرهێنانی ڕۆنی ڕووەکی و کارگەی بەرهەمهێنانی ئاڵفی ڕووەک و کارگەی پرێمیکس لە کۆمپانیاکە.

■ بەدواداچوونی مەیدانی بۆ بەڕێوەچوونی کارەکانی جێبەجێکردنی قۆناغی یەکەمی پڕۆژەی ئاوەڕۆی گەورەی حلە.

■ سەردانێکی مەیدانی بۆ پڕۆژەی پردی عشتار لە ناوەندی شاری حله، کە یەکێکە لە پڕۆژەکانی نەهێشتنی قەیرانی هاتوچۆ لە بابل.

■ سەردانی کردنی سەنتەری شێرپەنجە لە نەخۆشخانەی مەرجان و پێداچوونەوە بە ئەو خزمەتگوزارییە تەندروستیانە کە پێشکەش بە نەخۆشەکان دەکرێت.

■ سەرۆکایەتی کردنی کۆبوونەوەیەکی بەڕێوەبەران و بەرپرسانی فەرمانگە و پێکهاتە خزمەتگوزاری و کەرتییەکان لە پارێزگای بابل.

■ فەرمانی کرد بە پێکهێنانی لیژنەیەک لە وەزارەتەکان کە هەفتەی داهاتوو لە پارێزگای بابل ئامادە دەبن بۆ چارەسەرکردنی ئەو کێشانەی کە دەستنیشانکراون و بەدواداچوون بۆ جێبەجێکردنی دەرئەنجامەکانی سەردانەکە بکرێت.

■ سەرۆکایەتی کردنی کۆبونەوەیەکی سەرکردە و پێکهاتە ئەمنی و سەربازییەکان لە پارێزگای بابل

■ دیدارێک لەگەڵ ئەندامانی ئەنجومەنی نوێنەرانی سەر بە پارێزگای بابل و سەرۆک و ئەندامانی ئەنجومەنی پارێزگا.

■ دیدارێک لەگەڵ سەرۆک هۆز و کەسایەتییە دیارەکانی پارێزگای بابل.